| Startseite | | | Federfuchser | | | Erstbezug in Alanya | | | Geschichten | | | Schlagzeilen | | | Schnappschuesse | | | Links | | | Kontakt | | | Gästebuch |
Im Alter
Wer kannt denn des nur gwesn sei,
sei Nama foit ma nimma ei.
Wo hob i bloß mei Bruin higlegt,
hot mia da Deifi sie vasteckt?
Wo werd nacha da Schlüssl sei,
i mecht do in mei Haustür nei.
Wos woit jetzt i im erstn Stok,
woaß mia koa Antwort auf mei Frog.
Vergiss an Schirm, lass s’Packl liegn
bin in den foischn Zug eigstiegn.
Doch bringt mi nix mehr aus da Ruah
im Alter nimmt ja d’Weisheit zua.
Hans Lehrer