| Startseite | | | Federfuchser | | | Erstbezug in Alanya | | | Geschichten | | | Schlagzeilen | | | Schnappschuesse | | | Links | | | Kontakt | | | Gästebuch |
Im Herbst
Im Herbst
a paar schöne Täg erlem
de im Sommer
so rar san g'wen.
Kimmt boid de Zeit
zum Abschied nehma
mit da Hoffnung
auf a Wiedakemma.
Sein Gart'n
no in Ordnung bringa
so lang
ois wia de Vögerl singa.
Scho g'spür i d'Kält'n
wia's mi plogt
wia's in mia hochsteigt,
mia d'Lust verjogt.
Bin dankbar jetzt
für jeden Strahl,
der mir vertreibt
so manche Qual.
Und deckt mi dann da Schnee sanft zua
hoff' i auf Gott
und d'ewig Ruah.
Hans Lehrer